Nú...???

Sigmundur ber auðvitað ekki ábyrgð á útrásarævintýrinu frekar en svo margir aðrir. En flokkurinn sem hann langar til að verða formaður fyrir gerir það hins vegar. Ef ráðherrar og þingmenn Framsóknarflokksins höfðu aðgang að þeim upplýsingum sem hann vísar í...ja, þá hafa menn aldeilis sofið á verðinum. Það er auðvelt að vera vitur eftir á.

Bar ekki að yfirtaka Icesave-skuldir

Athugasemdir

[Bjorgmundur (IP-tala skráð) 14.1.2009 kl. 21:06]

skuldbindingarnar vegna Ice-save er verið að yfirtaka af núverandi ríkisstjórn.

Ég sé ekki betur en að Framsóknarflokkurinn sé eini flokkurinn sem er að taka ábyrgð og er að skipta um í brúnni. Það mættu nú aðrir flokkar gera slíkt hið sama.

[Vilhjálmur Árnason, 14.1.2009 kl. 21:34]

Ég er sammála þér Bjorgmundur.

[Hrönn (IP-tala skráð) 14.1.2009 kl. 22:56]

Það dugar bara alls ekki að skipta um menn í brúnni. Þeir sem tóku ákvarðanirnar þurfa að rifja upp þátttöku sína í því ferli. Það dugar ekki heldur að skipta bara um bankastjóra eða bankaráð. Menn verða að horfast í augu við eigin verk og axla ábyrgð á þeim.

Við erum svona illa stödd í dag vegna þess að ráðamenn og ævintýramenn fóru illa að ráði sínu. Framsóknarflokkurinn losnar aldrei við þann þátt sama hversu oft þeir skipta um formann. Svo verður núverandi ríkisstjórn að horfast í augu við að hafa ekki verið á varðbergi og ekki tekið mark á viðvörunarorðum ýmissa aðila innanlands og utan.

En menn mega gjarnan hafa aðra skoðun en ég. Til þess erum við að tjá okkur og hið besta mál að ekki séu allir á sama máli.