Skemmtilegt!

Núna loksins skil ég hvernig Sjálfstæðismönnum hefur liðið fyrir kosningar. Þeir hafa nefnilega alltaf stutt stærsta stjórnmálaflokk landsins og verið býsna roggnir með það og sig! Nú verður Samfylkingarfólk um allt land að fara vel með þessa stöðu. Ekki verða of örugg eða ánægð með okkur. Stjórnmálamenn og flokkar eiga að sýna kjósendum auðmýkt því valdið kemur þaðan. Kjósendur veita vald og taka það aftur ef þeim finnst ástæða til.

Málefnaleg umræða og rök rata oftast rétta leið. Flestir kjósendur eru leiðir og þreyttir á pólitískum skætingi. Það er gott fólk í öllum flokkum en ágreiningur um forgangsröðun og leiðir. Það er ekki mjög trúverðugt að kasta pólítískum skít í andstæðinga sína og ætla svo að vinna með þeim eftir kosningar eins og ekkert hafi í skorist.

Samfylking eykur forskot sitt

Athugasemdir

[Ingibjörg Hinriksdóttir, 9.4.2009 kl. 15:41]

Sæl Hrönn,

hjartanlega sammála þér. Nú verður Samfylkingin að stíga varlega til jarðar. Það er margt sem getur gerst á 2 vikum og það veit sá sem allt veit að nú mun Valhallarveldið velta við hverjum steini til að grafa upp skít um hina flokkana. En könnunin er skemmtileg og gefur manni byr undir báða vængi.

[Æsir (IP-tala skráð) 9.4.2009 kl. 17:31]

Ég Kaus Samfylkingu fyrir síðustu kostningar til að fella Stjórn Sjálfstæðis og framsóknar

Samfylkingu er ekki treystandi

Því miður

[Hrönn Ríkharðsdóttir, 9.4.2009 kl. 23:11]

Sæll Æsir.

Það er nú einu sinni svo að atkvæðið okkar tryggir ekki að hlutirnir gangi eftir. Ég vonaði líka að ríkisstjórnin sem sat fyrir 2007 félli en það gerðist ekki. Fólkið í landinu vildi hafa hana áfram þrátt fyrir allt. En ég ætla samt að treysta Samfylkingunni áfram vegna þess að það er okkar eina von. Gangi þér vel að finna þínu atkvæði farveg.