Mega menn ekki tjá sig í búningi ÍA?

Ég var furðu lostin þegar ég las þessa setningu. Mega liðsmenn ÍA ekki tjá sig við fjölmiðla þegar þeir klæðast félagsbúningnum? Getur þetta verið rétt og hver ákvað það?

Ég er stolt af því að vera Skagamaður. Ég er ekki alltaf sammála okkar ágæta þjálfara þegar hann talar við fjölmiðla um knattspyrnu en það er bara allt í lagi. Hann hefur ákveðnar skoðanir og veit sjálfsagt manna best að það eru ekki allir sammála honum. En varla hefur hann bannað leikmönnum að tjá sig við fjölmiðla?

Guðjón nefndi í viðtalinu að það ríkti tjáningarfrelsi á Íslandi og hann mætti hafa sínar skoðanir. Það er auðvitað rétt. En gilda ekki lög um tjáningafrelsi líka um leikmenn meistaraflokks ÍA? Ég held að menn verði að svara því. Hér hlýtur að vera um misskilning að ræða.

„Mikill heiður að fá spila fyrir Íslands hönd“

Athugasemdir

[Stefán Smári (IP-tala skráð) 29.5.2008 kl. 09:33]

Ég held að hann sé einn sem megi ekki tjá sig við fjölmiðla. Guðjón Þórðarsson er svakalegur.

[Ívar Benediktsson (IP-tala skráð) 29.5.2008 kl. 10:56]

Guðjón hefur neitað Morgunblaðinu um viðtal frá því í fyrrasumar. Frá og með sama tíma bannaði hann öllum leikmönnum sínum að ræða við blaðamenn Morgunblaðsins. Ástæðan fyrir banninu var óánægja Guðjóns með umfjöllun Morgunblaðsins um kappleik Vals og ÍA á Laugardalsvelli á síðasta sumri.

Þannig er það.

Kveðja, Ívar Benediktsson.