Ert'ekki að grínast?

Svei mér þá. Í nýrri málefnaskrá Sjálfstæðisflokksins og Frjálslynda flokksins er skýrt kveðið á um að Reykjavíkurflugvöllur verði áfram í Vatnsmýrinni. Það er ekki liðin vika frá því að menn stóðu á Kjarvalsstöðum og töluðu um traustan málefnasamning. Um hvað snýst þetta mál eiginlega?

 

 

 

Vilja íbúðabyggð í Vatnsmýri

Athugasemdir

[GK, 26.1.2008 kl. 21:47]

Eitthvað hefurðu lesið vitlaust.

Í málefnaskránni segir að ekki verði tekin ákvörðun um flugvöllinn á þessu kjörtímabili.

Það er nefnilega hyggilegt að segja hvað maður ætlar ekki að gera...

[Hrönn Ríkharðsdóttir, 27.1.2008 kl. 13:28]

Kannski það, en það vissu allir fyrir og því ástæðulaust að taka það sérstaklega fram. Ef ég man rétt þá var eitt af kosningamálum Frjálslyndra vorið 2006 að flugvöllur yrði áfram í Vatnsmýrinni, ekki bara þetta kjörtímabil.

Þegar menn svo tala um að flugvöllurinn fari (þótt ekki sé fyrir 2010) þá virkar það dálítið undarlega. Það er í mínum huga að minnsta kosti ekki þannig að fulltrúi frjálslyndra í nýjum meirihluta hafi fengið sitt fram í þessu máli.

Það er rétt að oft er hyggilegra að segja hvað maður ætlar ekki að gera. En fyrir kjósendur getur verið erfitt að ráða í kosningaloforð ef þau snúast aðallega um það hvað menn ætla ekki að gera en minna um hvað þeir ætla að gera.