Á grundvelli hagsmunamats?

Nýkjörinn formaður Sjálfstæðisflokksins lýsti afstöðu flokksins til inngöngu í ESB þannig að flokksmenn teldu á grundvelli hagsmunamats að Íslendingum væri betur borgið utan ESB en innan. Er nema von að maður spyrji um hvaða hagsmuni verið er að ræða?

Varla hagsmuni skuldaranna sem þurfa að þola verðtryggð lán og okurvexti? Varla heimilanna eða fyrirtækjanna sem sæta sömu örlögum? Varla neytenda sem verða að sætta sig við mun hærra vöruverð en gengur og gerist í nágrannalöndum okkar?

Kannski eru það hagsmunir forstjóranna? Stjórnarformannanna? Allra þeirra sem eru með sitt á þurru og láta sig hagsmuni almennings litlu skipta? Ég hef aldrei kosið flokkinn og mun vissulega ekki kjósa hann í vor og þurfti ekki að hugsa mig neitt um en nú veit almenningur í þessu landi fyrir víst að Sjálfstæðisflokkurinn hefur ekki áhuga á hagsmunum heildarinnar.

Nýrri kynslóð treyst til verks

Ha?

Ég hlýt að hafa misst af einhverju?

Líta menn í alvöru þannig á að forsætisráðherra sé að sverta fyrirtæki í augum fólks þegar gagnrýndar eru arðgreiðslur HB Granda til eigenda? Það væri kannski ráð að framkvæmdastjóri SA útskýrði fyrir almenningi í landinu hvað er hentugt eða mátulegt fyrir heimilin að tapa miklu fé?

Nú veit ég að framkvæmdastjórinn vill almenningi vel og hefur marglýst þeirri skoðun sinni. En með þessum ummælum um forsætisráðherrann er hann algerlega á skjön við fyrri viðhorf sín! Ætli það séu kosningar á næsta leiti?

Atvinnurekendur reiðir Jóhönnu

Hræsni - N1 stjórn í vændum!

Það er með ólíkindum hvernig Framsóknarmenn hegða sér alltaf. Í mínum huga er þeir ekki stjórntækir. Þeir bjóða í janúar Samfylkingu og Vinstri-grænum að verja ríkisstjórn flokkanna falli en standa svo eilíflega á hliðarlinunni, nöldrandi og tuðandi. Nú er nýjasta útspil formannsins að ríkisstjórnin hafi brugðist og tillögur Framsóknar það sem þarf til að bjarga heimilunum í landinu. Kannski er það rétt en hvað var þetta lið að hugsa þegar það sat í ríkisstjórn? Framsóknarflokkurinn sat í rikisstjórn í þrjú kjörtímabil og ber ábyrgð á því hvernis fór.

Fyrirgefið en þetta er óheiðarlegt og ótraustvekjandi. Ekki það að ég sagði í mínum hópi að þeim  væri ekki treystandi, því miður. Hefði ekki verið og yrði ekki. Framsóknarmenn hagar sér alltaf eins og þeir séu prímadonnur...eigi sviðið. Og því miður hafa þeir komist alltof oft upp með það, bæði í landsmálum og sveitarstjórnarmálum, þótt vissulega séu undantekningar á því.  Þurfum ekki nema líta til dæmalausrar framkomu þeirra í borgarstjórn Reykjavíkur.............!

Ég spái því að núverandi formaður Framsóknarflokksins og tilvonandi formaður Sjálfstæðisflokksins hugsi með spenningi til nýrrar ríkisstjórnar sem þeir vilja mynda að loknum kosningum í vor. N1 stjórn og við eigum ekki betra skilið. En þá nenni ég heldur ekki að hlusta á tal um kreppu og bankahrun. Ef minni almennings í landinu dugar ekki fram yfir kosningar þá hvað.........................?

Tvö atkvæði á hvern mann

Til skammar

Það er til háborinnar skammar að ætla að greiða arð til eigenda á sama tíma og menn koma sér undan því að borga kjarasamningsbundnar hækkanir til starfsfólks. Þetta er ekkert flókið. Ef fyrirtækið hefur efni á arðgreiðslum á það að sjá sóma sinn í að greiða starfsmönnum umsamdar launahækkanir.

Forseti ASÍ lýsir furðu á arðgreiðslum

Gullfiskaminni

Það er svo gott að vera vitur eftir á og að auki með gullfiskaminni.

Framsóknarflokkur stjórnaði landinu árum saman með Sjálfstæðisflokknum. Kom á kvótakerfi og einkavæddi bankana en lætur núna eins og hann hafi hvergi komið að. Ef þjóðin lætur bjóða sér málflutning sem þennan þá veit ég ekki...........stefnir ekki allt í að við kjósum yfir okkur aðra ríkisstjórn Framsóknar og Íhaldsins...já, og eigum líklega ekki betra skilið!

Leggja til 20% niðurfellingu skulda

Betra er seint en aldrei

Jæja, það fór þá aldrei svo að Geir tæki almennilega við sér. Ég er nú voða glöð að hann skuli hafa vaknað til lífsins. Það er leiðinlegt hvað seint það gerðist en ég er ánægð hans vegna og okkar hinna samt. Það eru smá fýluviðbrögð í stjórnarandstöðunni en það verður að fyrirgefa það. Menn eru óvanir og þurfa að læra nýtt hlutverk. Það tekur tíma. Vonandi fá þeir mjög langan tíma til að átta sig á nýju hlutskipti í íslenskum stjórnmálum.

Davíð og dularfulla bréfið

Svona eiga sýslumenn að vera

Þetta líst mér vel á. Bæði hafa formenn bankaráðanna áttað sig á breyttum forsendum í stjórnmálum og ráðherrann á mikilvægi þess að halda samfellu í því starfi sem vinna þarf núna og á næstu vikum og mánuðum.

Ráðherra vill formennina áfram

Mínir menn!

Sko, mína menn. Þeir áttu auðvitað að vinna þennan leik en það vantaði einhvern neista eins og svo oft áður. Ég fæ stundum á tilfinninguna að þeir hafi ekki næga trú á sér og getu liðsins.

Þó fúlt sé að segja það, þá skín aftur á móti sjálfstraustið af ManU. Þar virðast menn alltaf trúa því að þeir muni vinna og spila alla leiki til enda með það í huga. Leikmenn Arsenal spila of marga leiki í hlutlausum gír...en það verður engu að síður alltaf liðið mitt.

 

Tíu Arsenalmenn héldu jöfnu

Þá vitum við það!

Trúir því nokkur maður að Geir hefði látið Davíð fara? Að minnsta kostir ekki ég. Það er deginum ljósara að það skipti engu hversu lengi ríkisstjórn Sjálfstæðisflokks og Samfylkingarinnar hefði setið. Davíð hefði setið jafnlengi í Seðlabankanum og kannski miklu lengur.

Kannski vissi Geir að þetta var tapað stríð og kannski hafði hann ekki áhuga á að setja Davíð skilyrði. Það veit enginn nema hann og kannski nánustu samstarfsmenn og trúnaðarvinir.

Þegar stjórnmálamenn hætta, þá hætta þeir. Svo geta þeir sótt um vinnu eins og annað fólk sem skiptir um starfsvettvang. Stjórnmálamenn þurfa ekki ölmusu í formi embættis. Þeir eru í fullum færum að leita sér að atvinnu. Þetta á ekki bara við um Davíð heldur miklu fleiri og úr öllum gömlu flokkunum. Það hafa allir dansað með. Á einhverjum tímapunkti verður að breyta um takt. Er kannski lag að gera það núna?

Davíð segir ekki af sér

Slysaskot í Palestínu

 Á þetta ljós Kristjáns frá Djúpalæk ekki ágætlega við enn í dag? Hernaðarbrölt og árásir bitna oftar en ekki á þeim sem síst skyldi. Hversu lengi ætlum við að þegja og halda að okkur höndum? Dugar að biðjast afsökunar?

 

Lítil stúlka. Lítil stúlka.

Lítil, svarteyg, dökkhærð stúlka liggur skotin.

Dimmrautt blóð í hrokknu hári.

Höfuðkúpan brotin.

 

Ég er Breti, dagsins djarfi

dáti, suður í Palestínu,

en er kvöldar klökkur einn,

kútur lítill, mömmusveinn.

 

Mín synd er stór. Ó, systir mín.

Svarið get ég, Feilskot var það.

Eins og hnífur hjartað skar það,

hjarta mitt, ó systir mín,

fyrirgefðu, fyrirgefðu,

anginn litli, anginn minn.

Ég ætlaði að skjóta hann pabba þinn.

Barak biðst afsökunar á árás