Vatnaskemmdir við Svignaskarð

Var einmitt á ferðinni þarna í gærdag og tók eftir að vatnselgurinn var orðinn mikill. Fór á laugardaginn gamla veginn að Hvanneyri. Það vakti furðu hversu slæmur sá vegarspotti er. Bíllinn rásaði í drullu og svaði og við gömlu brýrnar yfir Sýkin var mjög mikið vatn á veginum. Er þetta ekki innansveitarvegur? Snjór, frost og rigningar í bland kunna að skýra ástand vegarins en ástand hans er varla boðlegt.

 

Skarð í Hringveginn

Athugasemdir

[Guðjón Sigþór Jensson, 18.2.2008 kl. 11:26]

Áður fyrr var nær árviss viðburður að flóð voru á brúnum yfir Ferjukotssíkin. Kom oft fyrir að bílaraðir biðu beggja megin torleiðisins eftir því að sjatnaði í Síkjunum og oft þurfti að dubba upp á brýr þessar. Það var ein meginástæðan fyrir því að ný brú var byggð yfir Hvítá á ósunum milli Borgarness og Seleyrar. Önnur leið  fyrir 1980 var að fara yfir Hvítá við Kljáfoss en þrautalending var inn Hvítársíðu og yfir Hvítá hjá Bjarnastöðum. Á þessari leið þurfti að fara yfir mjög mjóa stálbitabrú yfir Norðurá. Svona var vegakerfið áður fyrr og yfirleitt ætíð seinfarið. Nú bruna allir framúr þó ekið sé á 80 km hraða í roki og rigningu eins og var í gær undir Hafnarfjalli!

Mosi

[Hrönn Ríkharðsdóttir, 19.2.2008 kl. 23:35]

Þetta rifjaðist einmitt upp fyrir mér þegar ég fór þarna um á laugardaginn. En ég skil ekki hvers vegna veginum er ekki betur haldið við þar sem hann er leiðin sem fólk þarf að fara innan sveitarinnar. Menn verða að bregðast fyrr við.